Monday, March 18, 2013

കളിത്തോഴി


പ്രകൃതി,യെന്നുറ്റ കളിത്തോഴിയാണവൾ 
പ്രകൃതിക്കുമാത്രമാണറിയുന്നതെന്നെ 
കണ്ണുകൾ  നനയുന്നനേരത്തു മഴയായി 
കണ്ണുനീരൊപ്പുവാൻ പൊഴിയുന്നവൾ 
ആഹ്ലാദമെന്നെപ്പൊതിയുന്ന നേരത്ത് 
ആയിരം സൂര്യനുദിച്ചിടും പ്രഭയേകി 
ശോകം തപിപ്പിക്കും നേരത്തു മേഘങ്ങൾ 
മൂകം തണലേകി വന്നുനിൽക്കും  
മഞ്ഞിലും മഴയിലും കാററിലും വെയിലിലും 
മനസ്സെന്നുമാഹ്ലാദനൃത്തമാടും 
ഞാനൊന്നു മൂകമായ് നിന്നീടുകിൽ അവൾ 
തേനോലും പാട്ടൊന്നു പാടിത്തരും
അവളെനിക്കമ്മയാണച്ഛനാണാത്മാവി-
ലണയാത്ത സ്നേഹത്തിൻ ദീപമാണ് 
പിണങ്ങുവാനാവില്ലവളോടെനിക്കെന്നൊ-
രറിവുപോലും എത്ര സുന്ദരം ശുഭകരം 
പ്രകൃതിയെന്നുറ്റ കളിത്തോഴിയാണവൾ 
പ്രകൃതിയെൻ പ്രാണന്റെ പ്രാണനാണ് 

1 comment:

  1. അവളെനിക്കമ്മയാണച്ഛനാണാത്മാവി-
    ലണയാത്തസ്നേഹത്തിൻ ദീപമാണ്
    GOODEARTH IS MOTHEREARTH
    NATURE NURTURES ONE AND ALL

    ReplyDelete