Tuesday, September 29, 2015

ഈ രാവിലീ വിശ്വമാകെയും 
കേള്‍ക്കുവാന്‍
ഈ കാറ്റു മൂളുന്ന 
താരാട്ടു കേട്ടുവോ..
അകലെ നിന്നെത്തി 
നോക്കുന്നുണ്ടു പനിമതി
ഒരു കൊച്ചു വെണ്ണിലാ-
പ്പന്തലിന്‍ പട്ടുമായ്..
മുറ്റത്തെ മുല്ല മറിച്ചിട്ട പൂക്കൂട
പൂമണം പോയതറിഞ്ഞുമില്ല..
എങ്ങുപോയ് നീയെന്റെ 
രാക്കിളിപ്പെണ്ണേ നിന്‍ 
മധുരഗാനത്തിന്റെ
മൃദുശീലുമായ്... 
മിഴിമെല്ലെയടയുന്നു..
തലയൊട്ടു ചായുന്നു
ഇനി ഞാനുറങ്ങട്ടെ 
പുലരുവോളം ..

ശുഭരാത്രി പ്രിയരേ..
മിനി മോഹനന്‍ 


3 comments:

  1. നല്ല വരികളോടെ ശുഭരാത്രി നേരുന്നു....
    ആശംസകള്‍

    ReplyDelete
  2. ഉറങ്ങിക്കോളൂ
    ആശംസകള്‍

    ReplyDelete