മുത്തശ്ശി

കാലം ചിലപ്പോഴൊക്കെ
പിഞ്ചുകുഞ്ഞുങ്ങളേപ്പോലെയാണ്
കരയാനും ചിരിക്കാനും
കൈകാലിട്ടടിക്കാനും
മാത്രമേയറിയൂ.
പിന്നെ എപ്പോഴാണ്
വളര്‍ന്നു പിച്ചവെക്കുന്നതും
ഓടി നടന്നു കൈകാല്‍ കുഴയുന്നതും
എന്നു കാണാനേ കഴിയാറില്ല.
എപ്പോഴാണു
യൗവ്വനം നശിച്ചു
മുത്തശ്ശിയാകുന്നതെന്നും
അറിയാറില്ല..
എങ്കിലും കേള്‍ക്കാം
കാലത്തിന്റെ പതം പെറുക്കല്‍
അതു മാത്രം കേള്‍ക്കാം
ഒരു മര്‍മ്മരം പോലെ..