സരസ്വതീ... നമോസ്തുതേ...

അമ്മേ സരസ്വതീ...തേജോമയീ.. 

വാണീ രൂപിണി, വരദായനീ, ദേവീ

താരക ബ്രഹ്മസ്വരൂപിണീ...

നാരായണീ....നമോസ്തുതേ..

അംബ, മൂകാംബികേ..

ശരണം തവ ചരണാബുംജമെന്നും

ദേവീ.. നമോസ്തുതേ..

വീണാപാണിനീ സരസ്വതീ ദേവീ..

അറിവിന്നമൃതേകി അനുഗ്രഹിക്കൂ ..

അകക്കണ്ണിലമരുന്നോരിരുളിനെ നീക്കി നീ

ജ്ഞാനദീപത്താലെന്‍ മനം നിറയ്ക്കൂ..

അക്ഷരജ്ഞാനത്തിന്‍ മധുരമേകൂ...

അംബ, മൂകാംബികേ..

നമോസ്തുതേ.....

നിന്‍ പാദപങ്കജ രേണുക്കളെന്നുമെന്‍

നെറുകയില്‍ പതിയുവാന്‍ കനിയേണമെ..

നാവില്‍ നീ മേവണം നന്മതന്‍ വാക്കുകള്‍

മൊഴിമുത്തുകളായ് മാറ്റീടുവാന്‍

ആനന്ദദായകമാക്കീടുവാന്‍

അംബ, മൂകാംബികേ..

നമോസ്തുതേ.....