Tuesday, November 17, 2015

വൃശ്ചികപ്പുലരി

മഞ്ഞിന്‍ വെണ്‍ചാമരവും വീശി
വൃശ്ചികമാസപ്പുലരി പിറന്നു.
ശബരീഗിരീശന്‍ തന്നുടെ തിരുനട
നെയ്ത്തിരിനാളപ്രഭയിലുണര്‍ന്നു.

ഇരുമുടിയേന്തിക്കറുപ്പുടുത്ത്
പതിനെട്ടാംപടി കയറീടാനായ്
മാലയണിഞ്ഞും വ്രതശുദ്ധിയുമായ്
വനയാത്രയ്ക്കായ് ഭക്തരൊരുങ്ങി.

സ്വമീ ശരണം വിളിയാല്‍ മുഖരിത
വീഥികളാകെ അയ്യപ്പന്മാര്‍
പന്തളരാജകുമാരന്‍ തന്നുടെ
പാദം പണിയാന്‍ മുന്നേറുന്നു.





2 comments: