Wednesday, November 25, 2015

തിങ്കള്‍പ്പാട്ട്


മേലേമാനത്തുണ്ടു  ചിരിക്കും
വെണ്‍തിങ്കള്‍ക്കല ചോദിപ്പൂ.
ചൊല്ലിത്തരുവാനുണ്ടോ കഥകള്‍
രാവിന്‍ താളു മറിക്കുമ്പോള്‍ ?
മൂളിത്തരുവാനുണ്ടോ നിന്നുടെ
ചുണ്ടില്‍ മധുരത്താരാട്ട്.. ?
ഹൃദയം നിറയെക്കോരിയൊഴിക്കാന്‍
ഉണ്ടോ സ്നേഹത്തേന്‍ മധുരം .?
എങ്കില്‍ ഞാനീ ആകാശത്തിന്‍
കോണിയിറങ്ങിത്താഴെവരാം
കുഞ്ഞേ നിന്നുടെ മടിയില്‍ തലചാ-
യ്ച്ചങ്ങനെ കഥകള്‍ കേട്ടീടാം .

1 comment: