Friday, April 11, 2014

ഈസ്റ്റര്‍ ലില്ലി.(നാട്ടുവഴിയിലെ പോസ്ട്)

വീട്ടുമുറ്റത്തൊരഗ്നിഗോളം! അതാണ് ഒരുപാടു പേരുകളില്‍ അറിയപ്പെടുന്ന ഈ പൂവ്. ബ്ലഡ് ലില്ലി, ഫുട്ബോള്‍ ലില്ലി, അഗ്നിപുഷ്പം, മെയ് ഫ്ലവര്‍, ഏപ്രില്‍ ലില്ലി ഇങ്ങനെ ഒരുപാടു പേരുകളില്‍ അറിയപ്പെടുന്ന ഈസുന്ദരിയുടെ സ്വദേശം സൗത്ത് അഫ്രിക്കയാണ്. നമ്മുടെ നാട്ടിലും ഈസ്ടര്‍ ആകുമ്പോള്‍ മിക്ക വീട്ടുമുറ്റത്തും ഈ പൂവിന്‍ പുഞ്ചിരി കാണാനാകും.

കുട്ടിക്കാലത്ത് ഈ ചെടി തന്ന കൂട്ടുകാരി പറഞ്ഞിരുന്നു ഇതു ഈസ്ടര്‍ ആകുമ്പോള്‍ പൂവിടുമെന്ന്. പക്ഷെ ഞാനൊരിക്കലും ഈ ചെടി അതിനു മുന്‍പു കണ്ടിരുന്നില്ല. ഇങ്ങനെ ഒരു ചെടിയെക്കുറിച്ചു കേട്ടിരുന്നുമില്ല. എങ്കിലും അതു വളരെ ശ്രദ്ധയോടെ മറ്റു ചെടികള്‍ക്കിടയില്‍ നട്ടുവെച്ചു. മുറ്റത്തു കുറെന്നാള്‍ ഭംഗിയുള്ല പച്ച ഇലകളോടെ ഇതു തഴച്ചു നിന്നെങ്കിലും പിന്നെ എപ്പോഴോ വേനല്‍ ചൂടില്‍ അതു കാണാതായി. ചെടി പോയല്ലോ എന്ന് പലപ്പോഴും വിഷമിക്കുകയും ചെയ്തു.  പിന്നീട് അക്കാര്യം പാടെ മറന്നും പോയി. പക്ഷേ ഈസ്റ്റര്‍ ദിനത്തില്‍ അക്കാര്യം ഓര്‍മ്മ വന്നു. വെറുതെ ആ ചെടി നട്ടിരുന്ന സ്ഥത്തുപോയി നോക്കി. അത്ഭുതം എന്നല്ലാതെ എന്തു പറയാന്‍! ഭംഗിയുള്ള  ഇളംപച്ച തണ്ടിനു മുകളില്‍  ഒരു ഗോളവിസ്മയം!  കുറെ നാള്‍ കഴിഞ്ഞണ്  ആ പൂവു കൊഴിഞ്ഞുപോയത്. ചെറിയ കായ്കളും കുറെ നാള്‍ നിന്നു. പിന്നീട് അതിന്റെ ചുവട്ടില്‍ നിന്ന് രണ്ടോ മൂന്നോ ചെടികള്‍ കൂടി മുളച്ചു വന്നു, അടുത്ത വര്‍ഷം രണ്ടു പൂവു വിരിഞ്ഞു. പിന്നീട് എല്ലാവര്‍ഷവും ഈ പൂവിനായി കാത്തിരിക്കുമായിരുന്നു. ആര്‍ക്കാണ് ഈ വിസ്മയത്തിനായി കാത്തിരിക്കാതിരിക്കാനാവുക!


3 comments:

  1. ഈസ്റ്റര്‍ ലില്ലി കണ്ടിട്ടുണ്ട്
    ആശംസകള്‍

    ReplyDelete
  2. ഈ തീഗോളം ഞാനും കണ്ടിട്ടുണ്ട്

    ReplyDelete
  3. കൂണ്‍ മുളക്കുന്നതും ഏപ്രിൽ ലില്ലി വിടരുന്നതും ഒരുപോലെയാണ്‌ ............
    ആരെയും അറിയിക്കാതെ

    ReplyDelete