നമ്മള്‍..

ഗണിത ശാസ്ത്രം പഠിപ്പിച്ചു
അനന്തതയില്‍ കൂട്ടിമുട്ടുന്നു 
സമാന്തരരേഖകളെന്ന്.......
അതെ, 
ഞാനും നീയും 
കൂട്ടിമുട്ടുന്ന 
വീടെന്ന അനന്തത-
സ്വപ്നം!
പൊതുവായുള്ളത്
നമുക്കിടയിലെ സ്നേഹദൂരം
ക്ളിപ്തമായത്..
ചിലപ്പോഴൊക്കെ, 
ഞാന്‍ നിന്നിലോ
നീ എന്നിലോ
ലയിച്ചു ചേരുന്ന ആപേക്ഷികദൂരം
അപ്പോള്‍ പിന്നെ എവിടെ ഭിന്നത!?
കയറ്റിറക്കങ്ങളില്ലാത്ത
ആത്മാവിഷ്കാരങ്ങളുടെ 
ലംബതിരശ്ചീനതകള്‍!!!
കൃത്യത നിഷ്കര്‍ഷിക്കുന്ന
ഏകത്വ ഘടനാവിശേഷം....
അകമേ 
അനുപൂരകങ്ങള്‍....