ഗര് ഫിര്ദ്ദോസ് ബാ റു - ഇ - സമീന് അസ്ത്....ഹമി അസ്ത് ഓ, ഹമി അസ്ത് ഓ, ഹമി അസ്ത്....
(ഈ ഭൂമിയിലൊരു സ്വര്ഗ്ഗമുണ്ടെങ്കില് അതിവിടെയാണ്, അതിവിടെയാണ്, അതിവിടെയാണ് ......)
ഇറാനിലെ പ്രസിദ്ധ കവിയായിരുന്ന ഫിര്ദൗസി തന്റെ മാതൃരാജ്യത്തെക്കുറിച്ചു പറഞ്ഞതാണീ വാക്കുകള്. കാഷ്മീരിനെ വര്ണ്ണിക്കാന് പല മഹാന്മാരും ഈ വാക്കുകള് കടമെടുത്തിട്ടുണ്ട്.- മുഗള് ചക്രവര്ത്തി ജഹാംഗീറും നമ്മുടെ പ്രഥമ പ്രധാനമന്ത്രി ജവഹര്ലാല് നെഹൃവും ഒക്കെ... ഇവിടെയെത്തുന്ന സഹൃദയനായ ഏതൊരാള്ക്കും ഇങ്ങനെ തോന്നിയില്ലെങ്കിലെ അത്ഭുതപ്പെടാനുള്ളു.. എവിടെയും സൗന്ദര്യം മാത്രം. ദാല്തടാകത്തിന്റെ പ്രഭാതക്കാഴ്ചകളും അവിസ്മരണീയമായിരുന്നു. അനേകായിരം വര്ഷങ്ങള്ക്കുമുന്പ് ഇവിടെ പതിച്ച ഒരു ഉല്ക്ക മൂലമുണ്ടായ ഒരു മഹാഗര്ത്തമാണ് ഇന്നത്തെ അതീവസുന്ദരിയായ ദാല്തടാകമായി പരിണമിച്ചത്. 18 ചതുരശ്ര കി. മി. വിസ്താരമുള്ള ഈ തടാകത്തില് രൂപ് ലാങ്ക്, സോനാ ലാങ്ക് എന്നീ പേരുകളിലുള്ല രണ്ടു ദ്വീപുകളുമുണ്ട്. കാഷ്മീരിന്റെ കിരീടത്തിലെ രത്നം എന്നാണ് ദാല് തടാകത്തെ വിശേഷിപ്പിക്കാറ്. ആഭരണങ്ങളും, പൂക്കളും, പച്ചക്കറികളും മറ്റ് അവശ്യവസ്തുക്കളും നിറച്ച തോണി തുഴഞ്ഞു നീങ്ങുന്ന കച്ചവടക്കാര്, വിവിധ രൂപഭാവങ്ങളുമായി തടാകപ്പരപ്പിന്റെ വിശാലത, അകലെയായ് കാണുന്ന ഹിമവല്സാനുക്കള്, അടുത്തു കാണുന്ന വിടര്ന്നു വിലസുന്ന താമരപ്പൂക്കള്, നിരനിരയായ് കിടക്കുന്ന ഹൗസ് ബോട്ടുകള്, എല്ലാം... എല്ലാം......ഈ പുലര്കാലവിസ്മയത്തിനു മാറ്റു കൂട്ടുന്നു.
![](https://blogger.googleusercontent.com/img/b/R29vZ2xl/AVvXsEiZwTvc8xsoea2Y6S-sYeptxu9Rp39owlpc233OwbTd0f5m4twsIG065JhpiGSyBNZb5QjFikOiyTlPtX_e9HJ-rTAJ0q3DNH2_qFTjrKAeNH9LY-E2z9dDuExbQ-j_L7pe9hDVe6N7thnF/s320/images+(1).jpg)
" ഇതു വേണോ? "
ഇപ്പോള് വാങ്ങിയില്ലെങ്കില് പിന്നെ എപ്പോള് വാങ്ങാനാണിത്... എനിക്കിത്തിരി നീരസം തോന്നാതിരുന്നില്ല.
"വില കണ്ടോ?" പിന്നെയും ചോദ്യം.
" ഉം.. ആയിരത്തിയെണ്ണൂറു രൂപ"
....പശ്മീനയുടെ മഹത്വം നോക്കിയാല് ഇതു വളരെ കുറവാണ്.
"ഒന്നു കൂടി നോക്കൂ വില".
ഷാള് എന്റെ നേര്ക്കു നീട്ടി. അപ്പോഴാണു ശരിക്കും അന്തം വിട്ടുപോയത്. Rs. 18000. ആദ്യത്തെ നോട്ടത്തില് ഒരു പൂജ്യം കണ്ടില്ല. വെറുതെ അലമാരയില് വെക്കാന് മാത്രമായി ഇത്രവിലകൊടുത്ത് ഇതു വാങ്ങണോ എന്നൊരു പുനര്ചിന്തനം നടത്തി. വേണ്ട എന്നു തന്നെ തീരുമാനിച്ചു.
![](https://blogger.googleusercontent.com/img/b/R29vZ2xl/AVvXsEiNBP_rlOqKJOeuxDaxpn4aNrPmLCmXcubgrYKITDo5jzShK_SbScy1r0_APtUYmiywbaPltwK7erRpBErxqPbdtgg4NmhI4ku6pa-PwENdNIeOxG4Corak_bjUSMzNJ5j1UvolxxogC6_K/s320/hazratbal_mosque002.jpg)
![](https://blogger.googleusercontent.com/img/b/R29vZ2xl/AVvXsEj9ndPIOMjkr_ufLOdtnBUO7v_Qh67pIjBBpwEOJU6Ao8CCC_AL4O6B8sXBMMGofv3T5m54aKXx47sLqaxvrfb_Wv9FrBDMpxXi5Ca8qGnKd45oSwpBzDSttfVXfU2AJ8PdJyqtgdsdq1uo/s320/Khir+Bhawani+007.jpg)
![](https://blogger.googleusercontent.com/img/b/R29vZ2xl/AVvXsEiA-rOZ3FK-qdlbO_pPPrm7xLEl57fvDPQnUh5CRKYJlEYAZtjuGrAbylr02cWmQGtEF0s8to9F1UijSFAQ-ObPBuooBGlLM9axlI_W5y0JeBw_jGT1Dk1UTHJ_bzOcW6fClGukwCpM5GjX/s320/Sankaracharya+Mandir1.jpg)
ശ്രീനഗറില് നിന്നു 32 കി.മി. ദൂരെയുള്ള ഒരു കുന്നിന്മുകളിലാണ് ശ്രീശങ്കര ക്ഷേത്രം. ഈ മലമുകളിലേയ്ക്കുള്ള പാതയോരങ്ങള് പലവിധ പുഷ്പങ്ങളുടെ ഒരു വിസ്മയ ലോകമാണ്. നൂറോളം പടികള് കയറിയെത്തുന്ന അഷ്ടഭുജാകൃതിയിലുള്ള ശിലാതല്പത്തിലാണ് ജ്യേഷ്ഠേശ്വര ക്ഷേത്രമെന്നറിയപ്പെടുന്ന ഈ ശിവക്ഷേത്രം സ്ഥിതിചെയ്യുന്നത്. പ്രാചീനമായ ശില്പ ചാതുരിയും ചില ലിഖിതങ്ങളും ഒക്കെ ഇവിടുത്തെ സവിശേഷതയാണ്. ആദിശങ്കരന് സനാതനധര്മ്മ പരിപാലനത്തിനായുള്ള യാത്രയ്ക്കിടയില് ഈ ക്ഷേത്രത്തില് ദര്ശനത്തിനെത്തുകയും ഇതിനോടു ചേര്ന്നുള്ള ഗുഹയില് തപസ്സനുഷ്ഠിക്കുകയും ചെയ്തു. അതിനു ശേഷമാണ് ഇതു ശ്രീശങ്കര ക്ഷേത്രമെന്നറിയപ്പെട്ടത്. ആ ഗുഹയും നമുക്കവിടെ കാണാനാവും. ഗോപാദ്രി എന്നു പേരായ ഈ മലയുടെ മുകളില് ഏകദേശം രണ്ടായിരത്തിനാനൂറോളം വര്ഷങ്ങള്ക്കുമുന്പു നിര്മ്മിതമായ ഒരു ബുദ്ധക്ഷേത്രമാണ് ആദി ശങ്കരന് ശിവലിംഗപ്രതിഷ്ഠ നടത്തി ശിവക്ഷേത്രമാക്കിയത്. ഇപ്പോള് ഇതൊരു ഹിന്ദുക്ഷേത്രമാണ്. ഈ കുന്നിന് മുകളില് നിന്നുള്ള ശ്രീനഗര് കാഴ്ച അതീവ ഹൃദ്യമാണ്.
മുരിക്കിലയോടു സമാനമായ ഇലകളുമായി ആകാശം മുട്ടെ വളര്ന്നു പൊങ്ങിനില്ക്കുന്ന നമ്രവൃക്ഷങ്ങളും (willow trees- cricket bat ഉണ്ടാക്കുന്ന തടി ഈ മരത്തിന്റേതാണ്) വിസ്തൃതമായ തായ്ത്തടിയുള്ള ചിനാര് മരങ്ങളും അതിരിട്ട പാതകള് പിന്നിട്ട് വീണ്ടും ദാല്തടാകക്കരയിലൂടെ....ഈ പറുദീസയിലെ ഒരു ദിനവും കൂടി തൊഴുതുമടങ്ങുന്നു. ഭക്ഷണം ഹൗസ് ബോട്ടില് തന്നെ ഏര്പ്പാടുചെയ്തിട്ടുണ്ട്. സമയക്ലിപ്തത പാലിക്കേണ്ടിയിരുന്നതുകൊണ്ട് ഉച്ചഭക്ഷണത്തിനു പ്രത്യേകസമയം കണ്ടെത്താന് കഴിഞ്ഞിരുന്നില്ല. ലഘുഭക്ഷണവും ഖാവയുമൊക്കെയായിരുന്നു ആശ്വാസം. കുളിച്ചു ഭക്ഷണം കഴിക്കണം. പിന്നെ ക്ഷീണമകറ്റാനായി നല്ലൊരുറക്കം...
മുരിക്കിലയോടു സമാനമായ ഇലകളുമായി ആകാശം മുട്ടെ വളര്ന്നു പൊങ്ങിനില്ക്കുന്ന നമ്രവൃക്ഷങ്ങളും (willow trees- cricket bat ഉണ്ടാക്കുന്ന തടി ഈ മരത്തിന്റേതാണ്) വിസ്തൃതമായ തായ്ത്തടിയുള്ള ചിനാര് മരങ്ങളും അതിരിട്ട പാതകള് പിന്നിട്ട് വീണ്ടും ദാല്തടാകക്കരയിലൂടെ....ഈ പറുദീസയിലെ ഒരു ദിനവും കൂടി തൊഴുതുമടങ്ങുന്നു. ഭക്ഷണം ഹൗസ് ബോട്ടില് തന്നെ ഏര്പ്പാടുചെയ്തിട്ടുണ്ട്. സമയക്ലിപ്തത പാലിക്കേണ്ടിയിരുന്നതുകൊണ്ട് ഉച്ചഭക്ഷണത്തിനു പ്രത്യേകസമയം കണ്ടെത്താന് കഴിഞ്ഞിരുന്നില്ല. ലഘുഭക്ഷണവും ഖാവയുമൊക്കെയായിരുന്നു ആശ്വാസം. കുളിച്ചു ഭക്ഷണം കഴിക്കണം. പിന്നെ ക്ഷീണമകറ്റാനായി നല്ലൊരുറക്കം...
മനോഹരമായ വര്ണ്ണന-- കാശ്മീരില് ഒന്ന് പോയി വന്നപോലെ തോന്നി --
ReplyDeleteവളരെ നന്ദി അനിത
Deletekollallo mini...nalla ezhuth...fbyil accept cheyyunnathinumunp onnu vannu nokkiyatha.iniyum varaam.aasamsakalode....
ReplyDeleteവളരെ നന്ദി മാഡം
DeleteThis comment has been removed by the author.
ReplyDelete