Sunday, August 23, 2015

രാഗം മോഹനം, പ്രണയാര്‍ദ്രസംഗിതം

എന്റെ ഏകാന്തതയുടെ
ഊഷരഭൂമികയിലേയ്ക്ക്
ഒരു സഞ്ജീവനീ വര്‍ഷമായ് പെയ്തിറങ്ങാന്‍
സ്വപ്നങ്ങളുടെ ഗഗനവീഥിയില്‍ കൂടുകൂട്ടിയ
ആര്‍ദ്ര മേഘമേ,
എപ്പോഴാണ് നീയൊന്നു മാരി ചൊരിയുക!!
സംഗീത വര്‍ഷമായ് എപ്പോഴാണു നിന്റെ പദസഞ്ചയഗീതികള്‍
എന്റെ ഹൃദയത്തില്‍ കുളിര്‍മഴ തൂവുക!
ജന്മാന്തരങ്ങളായ്
നീ എന്നിലുണ്ടെന്ന് തിരിച്ചറിയുകയാണ്
ഇന്നു ഞാനോരോ നിമിഷവും.
ഈ നിമിഷങ്ങളില്‍
പ്രണയപ്പക്ഷീ, നീന്റെ സ്നേഹം
നിശാന്ധകാരത്തില്‍ മാര്‍ഗ്ഗദീപമായ്,
പകല്‍ താപത്തില്‍ കുളിരേകും തണലായ്
എന്നോടൊപ്പമുണ്ടെന്നത് ഞാനറിയുന്നു.
ആ ഉണ്മയില്‍ ഞാനെല്ലാം മറക്കുന്നു..
പ്രണയാര്‍ദ്രമേഘമേ, നിന്നിലലിയുകയണ് ഞാനോരോ നിമിഷവും.
നിന്നെ അറിയുകയാണ് ഓരോ സ്പന്ദനത്തിലും...
എത്രയും വേഗം നിന്റെ ഗാനവീചികള്‍
എന്റെ ആത്മഹര്‍ഷമാവുക,
ആ നിമിഷങ്ങള്‍ക്കായ് കാത്തിരിക്കുന്നു ഞാന്‍
നീയെന്റെ പ്രാണനില്‍ പ്രാണന്‍..
എന്റെ സംഗീതസായൂജ്യം..
ശ്രുതിമധുര മോഹനരാഗം ....

5 comments:

  1. Pranayam...!
    .
    Manoharam, Ashamsakal...!!!

    ReplyDelete
  2. നന്നായിരിക്കുന്നു വരികള്‍
    ആശംസകള്‍

    ReplyDelete
  3. anthyagaanam polum paadaan kazhgiyaathoru kuyilinod paattu paadaan paranjittenthu kaaryam

    ReplyDelete
  4. iniyumoraayiram pranaya kavithakal ezhuthoo priyappetta minee

    ReplyDelete