Wednesday, October 7, 2015

മിനിക്കഥ

മിനിക്കഥ
.
"ഞാന്‍  നിനക്ക് ആരാണ്?"
അതവള്‍ക്ക് പറയുവാനാകുമായിരുന്നില്ല . അതുകൊണ്ടവള്‍ പറഞ്ഞു
" നീ ഒരു വികൃതിക്കുട്ടിയും ഞാന്‍ നിനക്കൊരു കുറിഞ്ഞിപ്പൂച്ചയുമാണെന്നറിയാം "
"ങേ!... അതെന്താണങ്ങനെ?"
" ഞാന്‍ നിന്നോടൊപ്പമുണ്ടെങ്കിലും എപ്പോഴും നീയെന്നെ നോക്കാറില്ലല്ലോ.. ചിലപ്പോള്‍ നീയെന്നെ ചേര്‍ത്തുപിടിക്കും . മടിയിലിരുത്തി ഓമനിക്കും , നിന്റെയൊപ്പം കിടത്തിയുറക്കും. പെട്ടെന്നാവും നീയെന്നെ വലിച്ചെറിയുന്നത്.. നിനക്കറിയാം ഞാന്‍ പിന്നെയും നിന്നിലേയ്ക്കു തന്നെ വരുമെന്ന്.."
അയാള്‍ പൊട്ടിച്ചിരിച്ചു പോയി.
"ഞാനാണു പൂച്ച, എന്റെ പെണ്ണേ" അയാള്‍ തിരുത്തി
പിന്നെ പറഞ്ഞത് അവള്‍ക്കു  കേള്‍ക്കാനായിരുന്നില്ല.
" പാവം പൊട്ടിപ്പെണ്ണ്. നീയറിയുന്നില്ലല്ലോ നീയെനിക്കൊരു എലി മാത്രമാണെന്ന്.."

1 comment:

  1. മനസ്സറിയും യന്ത്രമുണ്ടായിരുന്നെങ്കില്‍ അല്ലേ?!!
    ആശംസകള്‍

    ReplyDelete