Tuesday, February 2, 2016

വരിക നീ പൗര്‍ണ്ണമിത്തിങ്കളേ, സ്നേഹമേ..

നീ പാടുമൊരു മൗന-
ഗീതത്തിന്നലകളില്‍
ഞാനെന്‍ കിനാക്കളെ-
യാലോലമാട്ടിടാം
നിന്നനുരാഗാര്‍ദ്ര
ചുംബനപ്പൂക്കളാല്‍
നിദ്രതന്‍  തല്‍പ-
മൊരുക്കിവെയ്ക്കാം .
എങ്ങുപോയ് നീയെന്റെ
സ്വപ്നസായൂജ്യമേ
എങ്ങുപോയ് നീയെന്റെ
സ്നേഹസര്‍വ്വസ്വമേ ..
എന്‍ ലോല ഹൃദയമാം
നഭസ്സിലേയ്ക്കോരുവേള
വന്നെത്തി നോക്കുക
പൗര്‍ണ്ണമിത്തിങ്കളാം സ്നേഹമേ
ഏതുകാര്‍മേഘ-
ത്തമസ്സില്‍ മറഞ്ഞാലും
കാറ്റൊന്നുവീശുമാ
കാര്‍മുകില്‍ മായ്ക്കുവാന്‍
മെല്ലെത്തെളിഞ്ഞിടും
നിന്‍ സ്നേഹ സുസ്മിതം
ഒരു കൊച്ചു നെയ്യാമ്പല്‍
മുകുരമെന്‍ മനസ്സിന്റെ
സരസ്സില്‍ നിനക്കായി
കാത്തിരിക്കുന്നിതാ....

2 comments:

  1. നിലാവു നിറയട്ടെ, ഇരുളകലട്ടെ

    ReplyDelete
    Replies
    1. സന്തോഷം സര്‍, സ്നേഹം :)

      Delete