എനിക്കു സ്വന്തം
==============
അറിവിന്റെ അലയാഴിഅകലെയായ് തീരുമ്പോള്
അജ്ഞതേ നീയെന്റെ സ്വന്തം.
ആത്മാവിലാനന്ദ
ചന്ദ്രിക മായുമ്പോള്
ദുഃഖമേ നീയെന്റെ സ്വന്തം.
സത്യം ഇരുള്മൂടി
മറഞ്ഞുപോയീടുകില്
അസത്യമേ നീയെന്റെ സ്വന്തം.
വെളിച്ചത്തുരുത്തുകള്
പൊലിഞ്ഞു തീ൪ന്നീടുകില്
ഇരുളാണെനിക്കിന്നു സ്വന്തം.
പ്രിയമാം നിന് സ്നേഹം
എനിയ്ക്കന്യമാവുകില്
ശൂന്യതേ നീയെന്റെ സ്വന്തം.
അതിലെന്റെയുണ്മതന്
നൂലിഴ പൊയ്പ്പോകില്
മരണമേ നീയെന്റെ സ്വന്തം...
No comments:
Post a Comment