Saturday, July 27, 2013

എന്റെ നഷ്ടം..

കാണെക്കാണെ
എനിക്കെല്ലാം നഷടമാകുന്നു..
നിന്റെ ദൃഷ്ടികള്‍
എന്നെക്കടന്നകലേയ്ക്കു നീളുന്നതും,
നിന്റെ വാക്കുകള്‍ 
ഘനംവെച്ച നിശ്ശബ്ദതയായ്
എന്നില്‍ നിറയുന്നതും ..
ഞാനറിയുന്നു.
ചിപ്പിയിലൊളിപ്പിച്ച
നിന്റെ മധുരമൂറും വാക്കുകളും
വിടര്‍ന്നപൂവിന്റെ ശോഭയുള്ളകണ്ണൂകളും
നഷ്ടങ്ങളാകുമ്പോള്‍
എന്റെ നേട്ടങ്ങള്‍
കണ്ണീര്‍മുത്തുകള്‍!!!
ഇമചേര്‍ന്ന കണ്ണൂകളൂം
ശബ്ദമറിയാത്ത കാതുകളുമായി
എന്റെ ശരീരം നിശ്ചലമാകുമ്പോള്‍
ഒരുപക്ഷെ 
നീ കോരിച്ചൊരിയും
ഒരുക്കിവെച്ച വാക്കുകളൂടെ
നിരര്‍ത്ഥകമായ നിക്ഷേപ സംഹിത!
അതു ഞാന്‍ 
അറിയാതെപോകട്ടെ

1 comment:

  1. കാലം നഷ്ടത്തിൻറെ തോഴൻ
    കണ്ണീർമുത്തുകൾ നേട്ടങ്ങൾ
    കവിത നന്നായിട്ടുണ്ട് ..

    ReplyDelete