എവിടെനീ ..രാധേ...(ഗാനം)
................................................
കാതോര്‍ത്തുനില്‍ക്കയീ കാളിന്ദീതീരത്തു
കണ്ണന്റെ പുല്ലാങ്കുഴലിന്റെ തേങ്ങല്‍
കരളില്‍ നിറയുമാ കമനീയപ്രണയമാം
കാംബോജിമൂളുന്ന രാഗധാര...
എവിടെയെന്‍ രാധ? യമുനേ നീ പറയില്ലേ..
എന്നോമലെന്തേ മയക്കമാണോ....മഴ-
ച്ചാറ്റലിന്‍ താരാട്ടുകേട്ടുവെന്നോ-വെയില്‍
മൃദലമാം വിരലിനാല്‍ തഴുകിയെന്നോ...
പൊയ്കയില്‍ പേലവഗന്ധമുതിര്‍ക്കുന്ന
പൊന്‍താമരപ്പൂവിലവള്‍ നിറഞ്ഞോ...
ചാരത്തുവന്നെന്നെ തഴുകിത്തലോടുമീ
മാരുതന്‍ തന്നുടെ രൂപമാര്‍ന്നോ....
എങ്ങുപോയെങ്ങുപോയെന്‍മനോരഞ്ജിനീ...
എന്തേവരാത്തതീ പൂവനത്തില്‍....
എന്തേ പിണങ്ങിനീ..എന്നോമലാളേ..
എന്തിനീ പരിഭവം ചൊല്ലു രാധേ....
No comments:
Post a Comment