Thursday, April 9, 2015

പ്രിയ സഖേ....

അരികിലുണ്ടെന്റെ ശ്വാസമായ്, 
പ്രാണനായ്

അഴലു കത്തുന്ന മൗനമായ്, 
അകലെയായ്...

പ്രണയനൊമ്പരപ്പൂവായ്,
പ്രണവമായ്

നിറയുമാത്മാവിന്‍ ഹര്‍ഷമായ്,
പുളകമായ്

ഹൃദയതന്ത്രിതന്‍ രാഗമായ് 
താളമായ്

മഴയുതിര്‍ക്കുന്ന മേഘമായ്
തെന്നലായ്..

കരളിലുണ്ടെന്നും ദീപമായ് 
തേജസ്സായ്..

നിഴലു വീഴാത്ത സൂര്യനായ് 
താരമായ്

നീറി നോവുമെന്‍ ഹൃദയ
വീഥിയില്‍

തിരി തെളിച്ച ചിരാതിന്‍
വെളിച്ചമായ്

നീ വിളങ്ങുന്നു സ്നേഹമായ്
കരുണയായ്..

വിലമതിക്കാത്ത വിത്തമായ്
വിജയമായ്.....

2 comments:

  1. വിലമതിയാത്ത വിത്തം!

    ReplyDelete
  2. നീ തിളങ്ങുന്നു സ്നേഹമായ്
    നല്ല വരികള്‍
    ആശംസകള്‍

    ReplyDelete