കാവ്യതീർത്ഥം പെയ്തൊഴിയാതെ
#നിമിഷകവിതരചനാമത്സരം#
'സ്മരണയിൽ ആ സുദിനം'
========================
ഓർമ്മിക്കയാണു ഞാനാദിനം, ഹൃദയത്തിൽ
മലർമാരി പെയ്തൊരാ ശുഭവാസരം.
പൊന്നുണ്ണിപ്പൈതലാം തങ്കക്കുടത്തിന്റെ
മുഖപദ്മമെൻമുന്നിൽ കണ്ടനേരം
ഈറ്റുനോവിൻ കഠിനയാതനയ്ക്കപ്പുറം
സുരലോകമൊന്നായി വന്നണഞ്ഞു.
വേനൽ തിളയ്ക്കുന്നൊരിടവമാസത്തിന്റെ
പാതിയിൽ പെയ്തതാം ലോലവർഷം
വിണ്ണിൽനിന്നാരോ കൊടുത്തയച്ചുള്ളോ -
രനുഗ്രഹത്തിൻ വിരൽസ്പർശമാകാം .
ഇന്നുമാ സായന്തനത്തിന്റെയോർമ്മകൾ
പുളകം വിതയ്ക്കുന്നു തനുവിലും മനസ്സിലും.
No comments:
Post a Comment