Friday, May 17, 2013

നിധി

നിധി 
എന്റെ സ്വപ്നങ്ങൾ ശിഥിലമാകുന്നു 
എന്റെ സ്വാതന്ത്ര്യം ചിതലരിക്കുന്നു 
എന്റെ ചിന്തകൾ കാടു തീണ്ടുന്നു 
എങ്ങു തേടുമെൻ ചുമടുതാങ്ങിയെ !

ഇവിടെയീശുഷ്ക ശിശിരശല്കങ്ങൾ
ഇവിടെയീ ഗ്രാമ്യ ഗ്രീഷ്മതാപങ്ങൾ
ഇവിടെയീ ലോപവർഷബിന്ദുക്കൾ 
ഇനിയുമെത്താത്ത പൊൻവസന്തങ്ങളിൽ 

അലയുമന്യഥാ വികലമെൻചിന്ത -
അലസമായ് വീണ്ടുമരികിലെത്തുന്നു 
അണയുവാൻ വെമ്പുമൊരുചെരാതിന്റെ 
തുണയുമെങ്ങോ കളഞ്ഞുപോകുന്നു 

വിലമതിക്കാത്ത വിസ്മരിക്കാത്ത 
വിത്തമാണെന്റെയോർമ്മകൾ നീണ്ട- 
വിജനമാം സരണി കാത്തിരിക്കുന്നെൻ  
വിജയവീഥിയിൽ വീരനെന്നപോൽ ...  

1 comment:

  1. :“എങ്ങു തേടുമെൻ ചുമടുതാങ്ങിയെ“ ! യോജിക്കുന്നില്ല.

    ReplyDelete